喜相逢 (砵蘭街)

营业中

休息中

有时觉得成日出去食咁多Cafe野、韩国日本野都有啲大鱼大肉了，有时会想食返少少中式野，清淡啲、简简单单反而仲好。不过好多时系街随随便便咁揾都好易中伏。今日去开太子，就揾到呢一间食饺子嘅。白菜猪肉饺&云耳椰菜猪肉饺双拼（$40）呢间主打食饺子嘅，咁就紧系必点饺子啦。都有几种馅选择，白菜、云耳椰菜都想试，所以决定叫双拼，每款各4只。钟意啲肉馅无味精味，调味亦唔会太咸。啲饺子仲系当日新鲜包嘅，无摆过落雪柜。又真系会好食少少，可能因为个皮无雪过，唔会因为收干左水而太硬身太粉感。见到师傅同姐姐包饺子都包到唔停手。鸡丝汤面（$36）除左点饺子，决定叫个面试下。呢个鸡丝汤面唔辣嘅，啱晒唔食得辣嘅人。面质方面无咩特别，合格嘅。蒜蓉莴荀丝（$68）而家食饭好多时都钟意叫多碟菜，健康啲。呢个蒜蓉莴荀丝，虽然系「炒」，但完全唔油，同埋最紧要唔辣，清淡啲健康啲。呢个属于两人份量，一碟如果自己一个人食会食唔晒。题外话，其实本身系见到呢间个门面几特别，好有中式复古feel。真系有啲估唔到，呢间装修得几别致，但啲饺子同面嘅价钱却仍然系抵食嘅街坊价钱。