影片
更多
2020-09-12
28 浏览
最近香港兴起一股台湾古早味蛋糕热潮，咁啱观塘区都新开左一间古早王国，一向喺呢头觅食嘅蛋糕控当然要过去试下。古早味顾名思义就系古老作法之下嘅传统味道，但除左保留浓郁嘅鸡蛋香之外，新式古早蛋糕都出咗好多款唔同口味，古早王国嘅古早蛋糕就有七种，分别系原味、芝士、朱古力、肉松、蜂蜜绿茶、养生核桃同棷子味，因为系每日新鲜原料制作嘅手工现烤蛋糕，不含防腐剂唔会有存货，所以有D味卖晒就冇嫁喇，有目标口味想试嘅就要早少少去喇。我拣左比较清新嘅蜂蜜绿茶味，返到屋企一开盒，烤蛋糕嘅面层就蛋香扑鼻，企到远远就已经闻到果阵令人流晒口水嘅蛋糕味，切开后绿茶色嘅蛋糕心又涌出少少绿茶同蜂蜜蛋糕嘅香味，绝对唔会盖过鸡蛋香味之余，可以话令蛋糕味道有上升到另一层次，真系好香嫁。部分古早蛋糕质地会偏松绵，而古早王国嘅古早蛋糕有Q弹嘅口感又不失蛋糕应有嘅软绵感，真系好似优质海绵床褥咁好有弹性，金属叉压落旧蛋糕上都唔会一下子切开咗，我仲拎返起就左几下角度都唔会留痕，切口干净又靓代表蛋糕质地唔会过于松软干身，整体富有绵密而湿润感，口感一流；味道就系唔算太甜嘅蜂蜜蛋糕，绿茶味唔算重，但鸡蛋味超浓郁。依加买蛋糕仲有格仔卡，每买一个
最近香港兴起一股台湾古早味蛋糕热潮，咁啱观塘区都新开左一间古早王国，一向喺呢头觅食嘅蛋糕控当然要过去试下。
古早味顾名思义就系古老作法之下嘅传统味道，但除左保留浓郁嘅鸡蛋香之外，新式古早蛋糕都出咗好多款唔同口味，古早王国嘅古早蛋糕就有七种，分别系原味、芝士、朱古力、肉松、蜂蜜绿茶、养生核桃同棷子味，因为系每日新鲜原料制作嘅手工现烤蛋糕，不含防腐剂唔会有存货，所以有D味卖晒就冇嫁喇，有目标口味想试嘅就要早少少去喇。
我拣左比较清新嘅蜂蜜绿茶味，返到屋企一开盒，烤蛋糕嘅面层就蛋香扑鼻，企到远远就已经闻到果阵令人流晒口水嘅蛋糕味，切开后绿茶色嘅蛋糕心又涌出少少绿茶同蜂蜜蛋糕嘅香味，绝对唔会盖过鸡蛋香味之余，可以话令蛋糕味道有上升到另一层次，真系好香嫁。
部分古早蛋糕质地会偏松绵，而古早王国嘅古早蛋糕有Q弹嘅口感又不失蛋糕应有嘅软绵感，真系好似优质海绵床褥咁好有弹性，金属叉压落旧蛋糕上都唔会一下子切开咗，我仲拎返起就左几下角度都唔会留痕，切口干净又靓代表蛋糕质地唔会过于松软干身，整体富有绵密而湿润感，口感一流；味道就系唔算太甜嘅蜂蜜蛋糕，绿茶味唔算重，但鸡蛋味超浓郁。
依加买蛋糕仲有格仔卡，每买一个蛋糕就有一个印仔，买满五个就减五蚊，买满十个就送一个古早蛋糕，住开呢区返工返学，买一条返屋企做全家人早餐，话都冇咁易就储够印仔啦！
张贴
