影片
更多
2021-11-12
16 浏览
一入餐厅就见到咁舒适既环境，光亮度好舒服😌，如果坐bar台仲照住d新鲜鱼生，师傅都好热心咁介绍是日新鲜既食材。每日都唔同既新鲜食材餐单，店员都有唔少推介！刚刚落完单，店员就上左前菜，柚子汁沙律菜、蚬肉面豉汤，一暖一冷。沙律新鲜好食，面豉汤就要特别一提，暖笠笠之余亦有海鲜鲜味，几只细细既蚬肉，够甜又鲜，好饮！之后黎既系，蟹黄酱蟹膏豆腐，豆腐本身就已经加入蟹膏，味道本来就十分突出。面头上再加上蟹黄酱，蟹味一流又香口。矶烧北海道珍宝帆立贝，帆立具够大粒又甜，烧一烧已经好足够，配上脆卜卜既紫菜一齐食，几开心～口痕想食多两旧寿司，就特选炙烧右口鱼寿司，右口鱼油脂感突出，食落口入口即溶，配上赤醋饭，果然店员冇介绍错。主角黎啦，同店名一样叫梦之丼，有海胆、牡丹虾、蟹肉、三文鱼子、吞拿鱼茸等。每样都大件鲜甜，绝对系大大大满足。食之前店员仲特别提我地可以先用橙醋清一清口腔，果然系著重每个小节既日式小店👍🏻👍🏻👍🏻大大力赞。第2位主角就系花锦鱼生丼，类似角切鱼生饭。最最最大分别系果只日本生鸡黄，捞埋饭一齐食真系提升几个层次，赤醋饭、鱼生粒、日本蛋黄十分之夹，必叫之选！最后见各种食物都高质，忍唔住再叫多2只
一入餐厅就见到咁舒适既环境，光亮度好舒服😌，如果坐bar台仲照住d新鲜鱼生，师傅都好热心咁介绍是日新鲜既食材。
每日都唔同既新鲜食材餐单，店员都有唔少推介！
刚刚落完单，店员就上左前菜，柚子汁沙律菜、蚬肉面豉汤，一暖一冷。沙律新鲜好食，面豉汤就要特别一提，暖笠笠之余亦有海鲜鲜味，几只细细既蚬肉，够甜又鲜，好饮！
之后黎既系，蟹黄酱蟹膏豆腐，豆腐本身就已经加入蟹膏，味道本来就十分突出。面头上再加上蟹黄酱，蟹味一流又香口。
矶烧北海道珍宝帆立贝，帆立具够大粒又甜，烧一烧已经好足够，配上脆卜卜既紫菜一齐食，几开心～
口痕想食多两旧寿司，就特选炙烧右口鱼寿司，右口鱼油脂感突出，食落口入口即溶，配上赤醋饭，果然店员冇介绍错。
主角黎啦，同店名一样叫梦之丼，有海胆、牡丹虾、蟹肉、三文鱼子、吞拿鱼茸等。每样都大件鲜甜，绝对系大大大满足。食之前店员仲特别提我地可以先用橙醋清一清口腔，果然系著重每个小节既日式小店👍🏻👍🏻👍🏻大大力赞。
第2位主角就系花锦鱼生丼，类似角切鱼生饭。最最最大分别系果只日本生鸡黄，捞埋饭一齐食真系提升几个层次，赤醋饭、鱼生粒、日本蛋黄十分之夹，必叫之选！
最后见各种食物都高质，忍唔住再叫多2只法国蚝同贝类作结，蚝味足够，海水味十足👍🏻。贝类爽口，完美结尾。
张贴
