新沙洞大排檔 (大政街)

营业中

休息中

呢间韩国餐厅我同朋友上次食完觉得几唔错，见佢近期有啲新嘢有优惠，所以朋友话要再嚟。 佢嘅酱油蟹做紧优惠，只要预先打电话去订位，星期一至四全日，同埋星期五六日夜晚7点前都可以用$198食到酱油蟹。朋友话好抵食，所以我从来未食过都陪佢试下。另外，我哋再叫咗两样野就已经够饱。 ⭐酱油蟹拌面呢度嘅酱油蟹系用韩国产最顶级的延平岛膏蟹，每星期都会翻两转货，所以保证新鲜，唔怪得枱枱都食。蟹肉味几鲜甜，亦有唔少蟹糕，个酱汁更加令个鲜味突出。而佢嘅辣椒同盐都系用韩国货，所以朋友都话几似喺韩国食到嘅味。面系荞麦面，上面放咗啲蟹子，拌埋个汁食好惹味。 ⭐火焰酱烧排骨呢碟好有仪式感，职员喺我哋面前淋酒，然后点火，唔怪之得叫火焰。排骨系金沙骨，充满浓郁嘅酱，味道有啲似面豉酱，加上有好香嘅芝麻味，再运埋少少酒味中和一下，味道几有层次。 ⭐脆炸年糕配韩式辣酱仲叫咗呢个传统小食，望落平平无奇，但食落都几唔错。年糕炸完都仲系好烟韧，同埋细细条好易入口，仲可以啖啖食到韩式辣酱。 钟意食韩国嘢嘅朋友，可以试下呢间，环境仲几有喺韩国嘅感觉。