蟹仙海鮮蒸氣鍋 (仁愛街) (已結業)

净系睇招牌都够晒霸气，好突出到店舖系食海鲜嘅！加上门口有鱼缸，见到啲新鲜海鲜，真系口水都流晒！睇返Menu，会有唔同嘅价钱，丰俭由人，但全部都以海鲜为主，海鲜迷必定食指大动！最贴心嘅系，如果你对某种海鲜不感兴趣，可以更换价格相若嘅item，够晒灵活！我哋四位，拣咗399嘅套餐！见到啲海鲜咁新鲜、大只同干净，真系觉得好吸引！特别highlight嘅会系膏蟹，佢有两种唔同嘅膏，都见到有两种唔同嘅颜色吗？一种膏好似蛋黄咁，有啲咬口少少实，另一种就好似蒸水蛋既口感咁，但系依然有膏香，实在系极品！最重要系，每款海鲜都系外国返嚟，并非一般本地海鲜！呢个价钱，食到呢个质素，真系超值！蔬菜系每餐必备，有个蔬菜篮，原来菜用新嘅方法可以好食咁多！冻蟹已经系熟，可以即食！虽然细细只，但好鲜甜！店员教我地用龙虾壳加埋落粥底，令到成个粥底更加有鲜味！食粥当然要有冬菜同葱，份量都非常合适，本身粥已经有好多料，真系啖啖都美味！店员仲好好咁送咗啲即炸鱼皮，用嚟佐粥真系一流！鱼皮依然系有微温，口感系完全未喺出边食过，因为真系新鲜即炸！