有蒸氣 海鮮石鍋專門店 (已結業)

心血来潮想食海鲜 跟住同朋友倾下倾下就决定去食蒸气锅 因为一嚟未食过蒸气锅 二来可以满足埋食海鲜嘅愿望😆尖沙咀应该比较多 而咁啱见到呢一间 食物种类都好多。叫套餐有分几种套餐 有啲系净系海鲜餐 有啲系海鲜牛肉餐 仲有阿拉斯加蟹嘅海鲜餐 咁就睇吓自己喜好同埋口味系咩啦. 另外呢 系有得拣汤底又或者可以拣粥底 所以就任君选择自己睇返喜好再决定拣粥底定系汤底啦...首先空间感好好 都有私隐度 最好嘅就系有特别一个服务员去帮你慢慢放啲海鲜同埋野食落去蒸！ 服务一流！首先第一样嘅事试咗蒸蛋先 不过可能太肚饿嘅缘故同想快啲食 冇谂过蒸蛋呢6分钟系过得咁漫长... 整出嚟嘅黑松露蛋系几香几滑..跟住之后就开始有海鲜啦 有鲍鱼 有生蚝元贝鱿鱼等等等等..... 我个人建议呢就乜嘢酱都唔好掂住 梗系食咗原味先架啦！ 食到海鲜嘅鲜味 试完之后先再慢慢点下其他酱 再食...海鲜系新鲜 食落口好有鲜味 另外好深刻嘅事完杯大到成只手咁滞😂 配上蒜蓉同粉丝真系一流.食完海鲜 仲有个手打墨鱼丸同埋牛丸 呢个真系不得了 应该系因为手打嘅缘故 好好食好弹牙好有口感！！！最后食完上面嘅海鲜 仲可以食番粥底... 真系完美