空海 (已結業)

想试左好耐，一直揾唔啱时间试，借住庆祝纪念日黎试一试！我系早一日先打电话去book位，听电话嘅员工同我讲话要喺WhatsApp度book，咁我就再喺WhatsApp度book位。两个人叫咗两个定食-三色丼定食（$198）同空海盛（$598），在额外加咗一口和牛粒（$88）。空海盛包一杯野饮，叫咗巨蜂提子梳打。可惜佢冇酒精饮品卖，如果唔系配清酒应该好正!鸡泡鱼干好干身好脆口👍🏻海胆、鱼子、凡立贝同蟹肉都非常鲜甜😋😋蟹刺身都好新鲜!和牛同蟹膏就普普通通，尤其是蟹膏，略嫌过咸。最后甜品柚子雪葩，非常清新甜度适中。总括来讲非常值得一试。由于地方比较细只有8-10个位，所以记得要订位，见到有人walk in都因为冇订位冇得食。