天虹海鮮酒家

营业中

休息中

山长水远去南丫岛食海鲜，打电话预约嘅时候先知道原来天虹海鲜酒家有船接送，非常好。我地系中环七点上船，大约七点九到。平日去，去到唔多人我谂有五六台，都系游客。我地张台系最边边，可以望到个海，都几正。海鲜类叫左好多海鲜，濑尿虾，鱿鱼，蚬，圣子同鲍鱼仔，全部都好好味，一定新鲜，厨师好坚，调味做得非常好，我自己特别喜欢椒盐鲜鱿，系朋友话想食嘅，自己一直都麻麻地，但系啲鱿鱼真系好正，皮炸都好香口，好薄嘅，鱿鱼好软同平时食嘅有分别，好嘅分别。椒盐濑尿虾系我另一个至爱，啲椒盐好好味，就咁食一啲都唔觉得有问题，濑尿虾由虾头食食食食到虾尾，不停加啲椒盐一齐食，好香口，好地道嘅一碟海鲜。其他类惊唔够饱，另外叫左伊面，牛肉西兰花同咕噜肉。最特别系碟咕噜肉，甜酸汁做得好好，唔会太酸，外皮香脆，肉好滑幼嫩，比好多餐厅要好。