鮨之

营业中

休息中

经过旺角朗豪坊，即刻上openrice search有咩好食。揾到呢间日本野，算比较少负皮，就去左食啦。佢位于4楼foodcourt旁，比较多人，唔为意以为系平价餐厅。但错啦，佢入面既野食一d都唔平。晚饭时段6点半左右，入都去都系好少人，total10个人左右。所以都坐得几舒服。我坐窗面位，阴暗既灯光同阔落既枱面系舒服既，但景观就麻麻啦，你要望住出面食foodcourt既mk仔女黎享用寿司。咁我就叫左10件寿司，本身叫7件，但怕唔够饱。佢d寿司set全部系"Omakase"形式，由师父决定整咩寿司比你，唯独唔系一件件上，而系一次过上晒。唔想谂食咩又有钱既，可以叫佢既寿司set上左菜后，都几唔错，有一件海胆军舰，而且好新鲜，唔会有腥味。d寿司选择都几丰富，唔会净系比d cheap寿司你食。有玉子，有蟹子饭（饭略咸，但蟹子算ok），几长既鳗鱼寿司，吞拿鱼，三件卷....d鱼全部都好新鲜，好好食。寿司唔会呃秤，正常size，唔会好似某d店咁整bitesize你食。食完都意外地饱，可能d寿司都足料，所以10件岩岩好。呢个价钱系有d贵，但系比到omakase食物质素同新鲜，都算系咁。