新華苑酒家

营业中

休息中

这间店铺的同一位置原本是潮福蒸气火锅，最近改头换面为新华苑酒家，见食评都几好又有脆皮烧乳鸽及贝壳并盘送，就上咗去试下。一上去就系酒家内行咗个圈，拎野饮之余发现佢地嘅海鲜及鱼缸都有放出来俾人可以见到，不但光净而且大大件好新鲜，令人可以食得好放心。于是我地就叫咗蒸气锅配鸡粥，仲有海鲜包括带子虾饱鱼及圣子蝗，样样味道都非常鲜甜，基本上都无须要配酱料，单靠食物本生的鲜味已经好足够。而且酒家送上嘅脆皮烧乳鸽及大蚬都好好食，大蚬每人有3-4件又鲜甜又多汁，令人好满足。我地另外仲叫咗和牛肉粒，多款手打丸及蔬菜例如粟米芋片冬茹和菜，由于每样食材本生质素好好，蒸熟后多出来的水份令食物好juice，而且更流到粥底令其充满鲜甜味。我亦非常盛赞佢地嘅牛肉粒，口感好软(脂肪比例高)好重牛味，我地再三order几碟都不断送上非常好服务。成晚食到肚都突埋都只系三百蚊内嘅事，非常扺食。