影片
更多
2017-02-20
2286 浏览
任拣任食任饮海鲜餐 $388-298（视乎日期🗓和时段🕘）·🍎苹果干粥底火锅就试过～但蒸气海鲜火锅反而未试过，次次经过尖沙咀嘅潮福都见到好多人排队，为咗避免依个排队潮，苹果我决定同朋友仔深入大埔试下先～·1️⃣ 首先先拣个必食粥底😆，新鲜排骨同瑶柱鲜淮山，🍎苹果拣咗后者😆2️⃣ 滋润炖汤，真系「炖」汤😍，有3款：西洋菜生鱼炖陈肾（我唔敢拣生鱼🐟🙈），黄老瓜炖唐排（真系好足料，粒粒黄老瓜，咬落已经淋晒，而唐排一粒粒，啲肉味炖到好足，渗晒落啲汤到，完全无谂过一个任食套餐嘅汤可以有惊喜👍🏻），姬崧茸炖螺肉（比个老瓜炖唐排吸引咗😂无拣到）3️⃣ 每个客人可以拣：胞皮乳鸽，贝壳盛盆，2选1刺身拼盘或半只生猛龙虾，基于朋友仔爱食乳鸽～点咗乳鸽同龙虾，朋友仔话嫁～乳鸽唔错，好香脆，以任饮黎讲都唔算细只。而龙虾唔好睇落好似好细只，真系即叫即🔪，够晒新鲜，食落口感十足，够晒甜美4️⃣ 终于黎啦！海鲜！！每枱自选4种：生猛大元贝～1只 / 苏格兰蛏子皇～1只 / 美国桶蚝～1只 / 生猛海中虾～2只 / 北韩鲜鲍鱼～1只 / 本湾鲜鱿鱼～半只 / 美国石蚝～1只 / 北海道北寄贝1只 👉🏻 👉🏻 最终拣咗大元贝（真系好大
·
🍎苹果干粥底火锅就试过～但蒸气海鲜火锅反而未试过，次次经过尖沙咀嘅潮福都见到好多人排队，为咗避免依个排队潮，苹果我决定同朋友仔深入大埔试下先～
·
1️⃣ 首先先拣个必食粥底😆，新鲜排骨同瑶柱鲜淮山，🍎苹果拣咗后者😆
2️⃣ 滋润炖汤，真系「炖」汤😍，有3款：西洋菜生鱼炖陈肾（我唔敢拣生鱼🐟🙈），黄老瓜炖唐排（真系好足料，粒粒黄老瓜，咬落已经淋晒，而唐排一粒粒，啲肉味炖到好足，渗晒落啲汤到，完全无谂过一个任食套餐嘅汤可以有惊喜👍🏻），姬崧茸炖螺肉（比个老瓜炖唐排吸引咗😂无拣到）
3️⃣ 每个客人可以拣：胞皮乳鸽，贝壳盛盆，2选1刺身拼盘或半只生猛龙虾，基于朋友仔爱食乳鸽～点咗乳鸽同龙虾，朋友仔话嫁～乳鸽唔错，好香脆，以任饮黎讲都唔算细只。而龙虾唔好睇落好似好细只，真系即叫即🔪，够晒新鲜，食落口感十足，够晒甜美
4️⃣ 终于黎啦！海鲜！！每枱自选4种：生猛大元贝～1只 / 苏格兰蛏子皇～1只 / 美国桶蚝～1只 / 生猛海中虾～2只 / 北韩鲜鲍鱼～1只 / 本湾鲜鱿鱼～半只 / 美国石蚝～1只 / 北海道北寄贝1只 👉🏻 👉🏻 最终拣咗大元贝（真系好大粒🙈食落好有口感，唔驶加野依经够晒鲜甜）蛏子 （都唔错，不过我钟意元贝多啲😆） 桶蚝 （我无食呀，朋友食✌🏻️，对我依啲唔食蚝嘅黎讲，啲美国桶蚝大只到有啲得人惊🙊，但对啲爱蚝人士黎讲可能越大只越肥美越好）海中虾（啲虾新唔新鲜真系一食就知，啲虾肉弹牙而个虾头一😗啲鲜甜味就涌晒出黎）
5️⃣ 其实唔好以为唔够饱，起初我都咁谂，但当你食晒啲海鲜时，你个肚容量就开始⋯无咩剩，不过，当然你唔够饱可以再点佢地嘅点心仔，糕点，迷你饭，丸或蔬菜。选择，同任食火锅黎比较，系少啲，但胜在好味，例如我拣咗虫草花清远鸡（啲虫草味真系渗晒落啲鸡到，而啲鸡又好滑嫩）或者手打梅菜猪肉丸（依个我同朋友仔都好钟意，哗，梅菜味唔会过重，一咬落去，啲梅菜肉汁真系bi晒出黎👍🏻）
6️⃣ 最后，终于，食个粥底啦😆 同我之前食过嘅粥底火锅唔太一样，可能系蒸气嘅关系，相对啲海鲜味就唔算好渗入啲粥底到，而且粥底只靠瑶柱淮山支撑住有啲单薄😂 唔介意的话可以好似🍎苹果干咁加啲啲酱油吊下味，啲鲜甜味即刻出晒黎👍🏻
·依个价钱有人觉贵或者有人觉平，见人见智～我就觉得有咁嘅前菜，炖汤，海鲜，任食小菜/肉/丸/菜 同野饮黎讲，咁嘅新鲜度（即点即🔪），依个价钱～值！
张贴
