八户屋和食料理

营业中

休息中

今晚屯门我们喺做完嘢之后去咗安定邨H.A.N.D.S嘅「八户屋和食料理」食晚饭！我们叫咗海鲜杂锦沙律系用多款唔同色彩缤纷嘅刺身舖面，而底层就系新鲜爽甜嘅沙律菜同青瓜丝，再配上和风沙律醋汁一齐食，真系好正呀！我们叫咗几款唔同嘅刺身，师傅就将所有刺身组合成一个杂锦刺身拼盘，令到卖相相当吸引，海胆好甘甜软滑，赤贝非常鲜甜爽脆！辛辣海鲜手打乌冬锅嘅海鲜有帆立贝、青口、虾肉同蟹柳，相当足料丰富，而乌冬嘅面质超烟韧弹牙！牛油果软壳蟹卷嘅软壳蟹炸得好香脆，夹埋片香滑嘅牛油果一齐食，感觉好清新！芝士鳗鱼卷嘅馅料有软滑弹牙嘅鳗鱼同软滑嘅芝士，加埋啲木鱼干舖面，再淋上香浓嘅鳗鱼汁，真系好惹味！炭烧蟹肉明太子玉子系用一层一层嘅玉子堆砌而成，相当嫩滑多汁同好厚身，口感非常丰富，而且系即叫即烧，热辣辣真系好好味呀！帆立贝龙脷柳蛋包饭嘅帆立贝好爽甜弹牙，龙脷柳嘅肉质都几软滑，香滑嘅奄列蛋包著炒得好香口干身嘅炒饭，味道好惹味！