十和田總本店

营业中

休息中

食lunch想揾间日本野食下，呢间餐厅其实成日行过见到面想食。趁难得出开尖沙咀就同朋友入去食个午饭。餐厅气氛几好，有居酒屋嘅气氛，木调色既配色，几温暖。午市都多选择，有平有贵。刺身拼鳗鱼饭(配饭,蛋) $118 呢个套餐几丰富，一碗鳗鱼饭加埋刺身，刺身有三款每款有两片，劲厚切又够新鲜。 鳗鱼饭唔算特别肥啖啖肉，所以食晒成个餐都唔会觉得太过油腻。个餐另外仲有蒸蛋同埋面豉汤，非常抵食。火炙左口鱼边丼(配饭,蛋)$148呢个火炙左口鱼望落都好食，因为唔止有火炙左口鱼，仲有海胆。左口鱼火炙过之后d油份出晒黎，入口有即溶既感觉。加埋d海胆，食落都几鲜味，落左少少豉油已经觉得好好食。