食鍋心係一定要訂位，佢有分3個時段，第一、二個時段係一定滿座。今次我地揀左8:30這時段去食，去到門口就企滿等入座的人潮，但安排好好，完全沒混亂就入座了。呢間鋪有兩層，位置比食火鍋的分店闊落，坐得比較舒服。
食物方面，一開始會每人一盅燉湯，今日係蟲草花雞腳瘦肉湯，真材實料無味精。然後就食8款海鮮（龍蝦、鮑魚、蝦、八寶魚，魷魚、象拔蚌、大蜆、蟹），調味係坐低果時揀的，有蒜蒜，豆豉，清蒸等等，每樣海鮮都非常新鮮，龍蝦同蟹特別正！食完海鮮就會蒸八寶飯，八款材料都係係坐低時就要選好，一定要揀蝦醬豬腩肉同銀魚仔，個飯好出色，分量好多，食不完可以打包，最後食埋個糖水就完美啦！
1
