台正燒牛涮鍋 (已結業)

打边炉一位$159，每人包杯特饮。我拣左百香果～火锅叫左椰子汤底。汤底有惊喜！椰子味好清香，好天然、唔似香精味。完全估唔到椰子汤底同猪肉牛肉咁夹！台正烧既肉又唔系话特别好味，但系个质地就好正！好松化！又唔肥！切得好薄！完全唔会韧、又无渣。海鲜方面有蚝仔、蚬、虾、蟹。除左蟹好似冻坏左有点儿霉霉地，其他都好新鲜、无沙、无腥味！我最钟意既牛柏叶都好爽口同新鲜。另外点菜纸当然都有丸呀、饺呀、鸡呀...唔一一介绍啦！自助吧方面，有好多野拎...川味凉菜（芽菜、青瓜、菠菜）芋丝、芋头、海带、南瓜、响铃、山根、蕃薯粉、出前一丁、淮山、雀巢雪糕等等，仲有几样菜。我个人比较钟意自助形式，因为自己钟意拎几多、拎咩都得。另外酱料方面好开心有麻辣酱拎！卖飞佛！唯一不足系饮品，佢系一扎气水斟，唔系一罐一罐供应。 总括黎讲性价比高！抵食呀！台正烧除左边炉，仲有串烧食...好耐之前食过，都好正架!