果夫子 (已結業)

今日喺洪水桥食完辣车仔面想买野黎饮（突然想饮下珍珠奶茶），因为隔离𠮶个人要去天水围剪头发，要我等佢，所以中间嘅时间行左去新北江买野饮。本身谂住饮珍珠奶茶，行行下见到呢间果夫子，一向都钟意支持下非连锁式食肆嘅我，决定放弃同一商场另外两间连锁店，试下呢一间新野！ 我挣扎左好耐饮咩好，心入面好想饮珍珠奶茶或者奶盖茶品但觉得喺呢间主打生果嘅舖又好似无理由唔㨂水果系列。本身有问过可唔可以㨂桂花奶盖乌龙加珍珠，可惜无得咁加法。。。最后我心大心细之下㨂左蓝莓草莓奶昔！（我谂紧㨂咩嘅时候听到有个啱啱整好开始饮嘅客话杯黄水晶好味，下次等我试下钻石珍奶先）我见住佢系用鲜奶而唔系奶精/奶粉整，加上鲜果，个味道好fresh，唔会好甜。我开头谂紧用鲜果会唔会有好多果糖杯野好甜，点知又唔会㖞！不过本身以为奶昔会系好似啲汉堡饱店嘅奶昔咁嘅texture， 原来都几唔同，饮完好饱啊！总括黎讲，用鲜奶+鲜果整$28我觉得系抵嘅！下次经过会再试其他！