影片
更多
2013-10-16
824 浏览
weekday三点几同朋友系湾仔区揾食, 打电话问咗摩厨confirm无tea time落场时间, 于是walk in一试这间网评不错, 价钱又可以接受既份子料理店。 铺内位置不多, 大部份系吧枱位。吧枱就一定坐得唔太舒服, 特别系无位放袋唔太方便。好彩去到成间铺加埋我都系一只手数晒咁多客人, 唔理三七廿一即霸埋隔离位放野。而吧枱对正个小厨房, 虽然无一般餐厅D大火抛锅等等, 但睇住佢地将一袋袋食物放落水煮都几得意。第一样食物: 63度蛋+香菇啫喱。菇味非常浓郁, 只蛋亦好滑。但唔知系唔系为咗等人食到蛋及菇既原味, 无论菇定蛋都专登唔落盐。对我黎讲, 头几啖吸引, 但越食越唔惯, 好似争咁D野。(附上那块饼点完蛋同菇好好味 ) 黎到主菜, 今次叫咗两个: 一个系低温油浸三文鱼。鱼肉非常滑嫩, 有点生熟之间刚刚好既感觉。三文鱼味浓而唔腥, 加上淡淡既中式姜葱豉油味, 是次至爱。另一个主菜系牛仔粒(唔记得exactly点叫), 唔入味+肉质有少少老。到招牌份子捞面:menu话呢只面系店家混合咗北方担担面同南方广东云吞面自创。讲到咁grand当然一二三开动, 个人觉得面质稍嫌太硬, 亦都无咩
铺内位置不多, 大部份系吧枱位。吧枱就一定坐得唔太舒服, 特别系无位放袋唔太方便。好彩去到成间铺加埋我都系一只手数晒咁多客人, 唔理三七廿一即霸埋隔离位放野。而吧枱对正个小厨房, 虽然无一般餐厅D大火抛锅等等, 但睇住佢地将一袋袋食物放落水煮都几得意。
第一样食物: 63度蛋+香菇啫喱。菇味非常浓郁, 只蛋亦好滑。但唔知系唔系为咗等人食到蛋及菇既原味, 无论菇定蛋都专登唔落盐。对我黎讲, 头几啖吸引, 但越食越唔惯, 好似争咁D野。
(附上那块饼点完蛋同菇好好味 )
黎到主菜, 今次叫咗两个: 一个系低温油浸三文鱼。鱼肉非常滑嫩, 有点生熟之间刚刚好既感觉。三文鱼味浓而唔腥, 加上淡淡既中式姜葱豉油味, 是次至爱。
另一个主菜系牛仔粒(唔记得exactly点叫), 唔入味+肉质有少少老。
到招牌份子捞面:menu话呢只面系店家混合咗北方担担面同南方广东云吞面自创。讲到咁grand当然一二三开动, 个人觉得面质稍嫌太硬, 亦都无咩突出的面香或质感。而令个面叫做份子既"份子"麻油泡沫, 老实讲, gimmick大于实际作用。当然, 唔难食, 整体而言, 不过不失。
虽然成篇文好似无咩点赞, 不过平心而论摩厨既食物其实唔错, 虽然未必会专登再去, 但经过都会再食。始终份子料理㖞, 咁新鲜既一样野, 百多元便可以食到, 如果无试过, 当系去见识下都唔错。
张贴
