黑木亭居酒屋 (金馬倫道)

今日约埋班同事去食日本嘢，趁未齐人我哋就睇下个menu有咩食。个menu啲嘢食埋上都几吸引，我哋就点咗个刺身拼盘八点咁个拼盘就有飞机鱼薄切，三文鱼，带子，生蚝，牡丹虾，大拖罗，三文鱼子，海胆。不过讲真个性价比唔高，其中生蚝最令我失望睇落个样完全唔吸引，好似营养不良咁。不过其他几款睇落都仲算新鲜。另外我哋仲叫咗啲串烧有白鳝，免治鸡肉棒，鸡软骨，黑豚荔枝卷。串烧反而有啲惊喜。我哋仲叫咗好多嘢食包括有清酒煮蚬，芝士焗带子，炸物拼盘，玉子烧汁海鳗，脆焦糖苹果鹅肝，甲罗烧，紫菜年糕，豚肉乌冬，炸鸡软骨。呢啲熟食水准都唔差，可以再嚟encore。总括黎讲我觉得呢间餐厅嘅熟食系相对出色啲嘅。