大漁屋台 (已結業)

行开九龙湾，商场内一式一样既快餐食肆冇咩惊喜，于是行多两步去左得宝商场，装修得意，有心思，叫左几份刺身做前菜，都好鲜甜份量足，刺身沙律用醋汁，酸甜开胃又低卡，减肥人仕食几多都得，再叫左油甘鱼，三文鱼，都好厚切，油脂丰富，食落好香甜，甜虾更是我的至爱，细心挑晒肠，肉厚新鲜，虾头Ｄ膏都啜埋。一份寿司卷叫左碎三文鱼，内里包住葱同蟹肉，葱味同蟹肉三文鱼配搭得好夹又好FRESH。试埋个关东煮，煮得好入味，八爪鱼好食，最欣赏系萝卜，煮到淋晒，冇根冇渣，唔怕太饱既可以叫埋黎食！串烧都叫左几款，唔怕食内脏既可以叫鸡肝，烧到有淡淡焦香，配埋个烧汁，系唔错既选择，大路少少叫埋个豚肉竹笋卷都好好味，可以再encore。原本怕唔饱叫埋个乌冬，天妇罗皮簿鲜炸，虾，南瓜，茄子都好食，可惜系食唔晒个乌冬☹