三川居酒屋 (已結業)

到铜锣湾提早食晚餐，去到三川，内里卡位有草芦盖顶好特别，去到成本书咁厚的餐牌，有点选择困难症，所以等店员介绍 ，我同店员讲想食刺身同大约budget，店员推介可叫个二人前刺身拼盘「并」盛$298，有时令及丰富刺身，有黄金鱿鱼，够烟韧，今日时令刺身有红色鱼皮的油甘鱼，好弹牙。左口鱼，白雪雪，入口充满油香，剑鱼腩，腩位够肥美；还有大甘虾，初时以为是牡丹虾，真系几大只。还有活赤贝，好爽口呀！另一推介系明太子蟹肉酱焗蚝肉蘑菇批，超大只菇扒，面层口感丰富，有浓浓的厚芝士，明太子酱，中间好似禾旱撼形珠咁，一大只肥美生蚝一齐焗，估唔到连菇食，更带出蚝的浓郁香味。见刚才啲刺身实在太新鲜喇，要要encore 叫了三文鱼同带子刺身$58；三文鱼$42 好厚身，抵食呀！