水鴨朱椰子雞 (已結業)

朋友见到呢间新开既餐厅近排好hit 好多人推介，爱椰子鸡煲既佢即刻约我地去食新野。平日入到黎都全场爆满，等左约10分钟就有位子，环境唔错，门囗仲摆放左一个个新鲜椰子吸引人😍4个人点左全只椰子鸡，首先混一混酱先，椰子鸡酱料几特别，主要有沙姜，青柠檬，辣椒椰子鸡主要以新鲜椰青和文昌鸡炮制，汤底以椰青水再加整个椰皇起肉来做配料，加上放入左竹笙，汤底入口超鲜甜，文昌鸡食落鲜甜嫩滑，鸡油脂较少，所以汤底唔会出现厚厚的鸡油，感觉健康。鸡肉同竹笙完全吸收椰水精华，隐约带椰香。食完鸡仲可以打边炉，但因为朋友想食小菜，食完鸡后叫左乌冬加进窝中，完全吸收汤汁，充满椰香鸡甜，乌冬又够爽弹，超正！食完鸡鸡同乌冬，当然要试下呢道其他特色小菜，叫左脆皮猪手，猪手大大只，猪手外层做到又脆又烟韧，肉质嫩弹，咸香惹味，黎到时骨肉分离，方便进食。避风塘炒蟹又系必食， 炒蟹小辣而不过油，味道不错。蟹肉结实甜美，大大只，肉质爽弹，由其是蟹钳，啖啖肉😋蟹盖都非常多膏，热辣辣既蒜蓉覆盖左整只蟹，份量十足，十分惹味，配合白饭吃一流。