藝穗會Colette Artbar (裝修中)

唔系第一次夜晚来食，但系灯光，格局同上次唔同。以前地方好光猛，有d似自修室。但系而家变暗咗，比较啱坐低倾偈，饮野，消磨一晚。当然，响附近，你可以选择去兰桂坊Clubbing. 但如果想静静地饮杯野，或者（伪）文青下就啱哂。因为佢有balcony seats 同埋室内位可以拣。今晚因为睇舞台剧，所以之前先食个晚餐。呢度野食唔算平，但无加一。份量十分够，基本上系食得饱既。之前试过拼盘，今次就试杂菜意粉同炸鸡。意粉入面有茄子，椰菜花同西兰花。热辣辣即炒出来，所以即使系素菜都好香。茄子用油炮过，双花就系新鲜既，炒得好爽脆。上碟加上刨芝士，好有意式风味。炸鸡方面，外皮炸得超脆同干，但入面仲保留肉汁。鸡肉应该系冰鲜鸡，唔系雪鸡。另外仲有炸薯角，veggie dip做side dish, 可以悭返唔使叫。所以，好饱Happy hour 时间，仲叫埋one pint 啤酒。如果两个人分one pint 会抵d, 都有4，500ml，够哂饮。因为全部即叫即做，所以要等15到20分钟。如果倾偈就无所谓啦。。。