鮮一夜火鍋 (已結業)

好肚饿，好肚饿，所以我同朋友仔决定揾间任食。系大鸿辉留下收到呢张宣传单，任食啱晒！呢个餐有鲍鱼加脚，鲍鱼好入味，同埋好软熟，脚脚都炆得好淋。花胶翅都唔错，好有料下，食完个咀都仲有少少粘口。跟住上埋呢个刺身，虽然呢度系主力打边炉，但呢度既刺身真系好新鲜，净睇个色泽都已经知。轮到最期待既鸡煲，一路煲紧既时候，已经闻到好香麻辣味。呢个煲最赞既系，食落唔会好油腻，我最怕鸡煲里面成煲都系油，呢个鸡煲里面寅系酱汁黎既，佢最叻系运用埋荽茜同葱，去提升鸡煲既香味同埋吸走部分油份。食完一轮，都满足左一半，如果大食既，可以再战斗落去，呢个餐仲送一份海鲜并盘同一份安格斯肥牛，几新靓几新鲜！其他火锅配料任食，饮品任饮。