秋田浜燒食堂 (已搬遷) 新店位置

无意中揾野食见到自己钟意嘅海鲜餐，当然第一时间入去，顺便可慢慢同FRIEND吹下水。我地点左个2人套餐，$398/位，未开始食时，餐厅员工攞左赤虾过嚟，只要LIKE同SHARE秋田浜烧食堂FACEBOOK，就可以玩一手捉虾游戏，我用一手捉左7只大赤虾，其中3只用做剌身，4只用嚟烧，我同朋友都觉得剌身会好味D。正式介绍2人套餐，首先熏鸡剌身沙律，有D似烟三文鱼，加上酸酸沙律，感觉都几开味。跟住上埋清酒煮蚬，大约有8只，蚬都几肥下，汤底几鲜甜。唔记得左讲，系我地食前菜期间，已有餐厅员工帮我地开始烧野食，呢个几惊喜，本人比较懒又唔系好识点整，所以坐定定等食都几开心。帆立贝够大只，厚身，加上用清酒煮，鲜味出晒，佢地剪到1粒粒，啱晒细细啖食。鲍鱼劲新鲜，烧嘅时候仲郁下郁下，感觉都几残忍，之后剪成一片片，都几爽口，但要加D酱汁，有D淡。烧生蚝同平时出面做法有点唔同，会用火枪烧生蚝表面，食落肉质嫩滑，鲜味浓郁。之后见到店员将鹌鹑蛋放入蟹壳内，加上蟹膏、蟹肉，捞匀放上网烧，好快甲罗烧完成，建议配饼食，口感几幼滑，唔会腥，但个饼略略唔脆。九州松叶蟹，蟹件边已剪开，方便拆出肉，味精鲜甜。最后配上茶渍饭同埋