發哥粥底海鮮火鍋 (已結業)

🙂蒜蓉泰酱焗青口甜甜泰式酱，打边炉前食个冷盘先。😍炖汤好浓药材味，真正炖汤嘅味道。每一盅都好足料。😍冰镇鲍鱼好鲜味，而且已经将唔食𠮶部分预先拆开，点少少麻酱仲更加好味。😍龙虾餐龙虾半只、蛏子皇、贵妃蚌、多宝鱼、黄金蚬、海虾、时令贝见到个海鲜拼盘已经觉得好正！龙虾大大只，上枱𠮶时仲郁㗎，新鲜到呢！啖啖肉，唔使点任何调味料仲好，咁先食到海鲜嘅鲜味呀！好钟意食贝壳类海鲜，全部都好爽口，好满意。海虾都好新鲜，再嚟多宝鱼啖啖肉。😊日本黑豚肉好爽口，打边炉，一流。😊美国肥牛正呀，打边炉要食肥牛但又怕半块都系肥肉，呢个啱啱好。😊巨根蟹柳、蟹粉包心丸蟹柳熟咗真系好大条，记得睇实，唔系就散哂。包心丸大大粒，好足料。😊虾滑熟咗嘅虾滑，颜色好靓，睇得出系新鲜料。🙂自家制云吞、娃娃菜、炸响铃云吞大大粒，唔会得个皮厚，其他嘅，正常水准㗎😍粥底几饱都要食！仲要食咗两细碗！唔使讲，粥水就系头先打边炉嘅汤底，即系有哂海鲜嘅美味！😄初时友人话去九龙湾工厂区，都怕难揾嘅，但其实好近地铁站，穿过商场过条马路仔就到。唔使佢哋带路自己都易揾到㗎。