港島粥記海鮮火鍋 (已結業)

迟啲准备考车，衬今日星期六，特登捉埋我米饭班主陪我考察考试路线，行完咁就顺便喺铜锣湾揾食，咁啱见到呢间好似新开张，所以就冲左入去试啦。餐厅fix左要每人嗌一set, $198一位。除咗固定套餐之外，仲可以后家其他嘢。落完单之后，就细心睇其他嘢，发现枱面有写清楚步骤交食客点样食。仲好清楚写明每款海鲜需要渌嘅时间。我就跟足佢写嘅时间去煮，仲用电话计时添。打头炮，梗系食晒啲海鲜先啦！全部海鲜都好新鲜，啲蚬好鲜甜，食过返寻味！食完海鲜，下一个步骤就系食肉类啦！五花腩肥膏位有少少软骨咁嘅感觉，好好味啲A4牛，超级超级骚！我最钟意就系食骚味！所以劲劲劲好味！再之后就多食蔬菜啦！个手打牛肉饼几出色，好弹牙好爽！都食完蔬菜，店员就会上个粥胆，同埋其他配料，先将南瓜同芋头粒加咗落个粥水度先，可以等啲南瓜同芋头用咗少少再落个粥胆，一滚起就可以食啦！总括来讲，虽然所有嘢份量都唔系好多，但系其实食完就觉得啱啱好。唯一有少少值得改善嘅系，如果可以提供茶水比食客就更加好啦，因为而家一定要叫嘢饮先有得饮，包括蒸溜水。