有蒸氣 海鮮石鍋專門店 (已結業)

老婆话想减肥，要食清啲，又要有足够蛋白质，佢同事介绍去食蒸气粥底石锅，主要系食海鲜，健康D。佢最平𠮶个套餐都要$328位，点完餐之后店员就将咪鸡件同埋腐竹黄豆放喺煲底。老婆去到见到佢有个黑松露炖蛋又要加$28 ，见佢咁出名就试吓啦。佢所有嘢都系即刻起我哋面前个蒸笼度蒸。两碗蒸水蛋就摆喺我哋面前大约几分钟后店员就帮我地攞出嚟又真系整得几靓几滑，小小嘅黑松露味道带香咗佢加D豉油咁就ok啦。佢有基本酱料包括豉油蒜蓉葱花辣椒同埋干蒜跟住店员就帮我地整沙包蚬同埋鲍鱼啦，蚬每人有两粒，都几大粒。个鲍鱼就细细只上边仲界咗花，放咗少少虫草花一齐蒸，沙包蚬味道鲜有啲海水味，个鲍鱼就整得啱啱好。跟住就系海中虾同埋日本元贝，海虾比起平时白灼嘅好食好多，日本元贝好大粒但系就似乎蒸耐左少少美国筒蚝大大只放起个蒸架上边佢嘅汁就流晒落去个粥度。猪肉丸同墨鱼丸要蒸得比较耐，墨鱼丸好弹牙。每样得一粒有少少唔够喉姜葱蒸鲜鱿同埋胜瓜，味道比较清淡胜瓜都几鲜甜最后就系期待左咁耐嘅粥底啦，有生米开始要煮成嘅粥味道清淡得来有啲鲜味。整体份量唔多但系都几好食。最后佢哋仲送咗碗绿豆沙俾我哋食。