天聚源 (已結業)

作为新界人，蓝地呢个地方都唔系经常去，印象中都系来过两三次，之前唔知，最近先留意到佢有间叫天聚源嘅餐厅，门面睇落似酒吧，入左去别有洞天。原来系食蒸气锅同串烧。装修摆设都好有特色，类似帐幕仔，又有秋千、水车咁，几得意沙律捞左麻酱，开开胃。呢度主要系提供蒸锅，两款套餐，主要有海鲜为主。拣左498$呢个餐，每人有龙虾半只，大元贝、海虾、贝贝蚬、大蚬、蛏子、贵妃蚌等等。好贴心有餐牌写始时间参考。龙虾每人半只，即㓥，仲郁紧，龙虾肉爽口，本地龙虾仔挂，多肉海虾超新鲜，个壳好脆，虾肉鲜甜爽口，每人两只。蛏子、元贝都好大只。蚬嘅份量都几多，同埋好新鲜。最后蒸埋个走地鸡，鸡肉有少少咸味，啖啖肉！然后打开个盖就会见到粥底，完全无添加，清粥有少许鸡油香，清淡D啦，要来收尾食都唔错。另外仲有个冷乌冬添，我俾哂朋友食，佢话清新，冇乜调味嘅。