影片
更多
2018-06-21
105 浏览
前几晚同朋友去打边炉， 见到呢间隐世嘅宝哥火锅味馆， 佢嘅入口系同地面酒铺嘅一齐嘅， 行入去再上楼成个感觉都同嘈杂嘅酒楼打边炉好唔同， 好有格调。上到去估唔到环境咁大咁舒适， 每个卡座都好寛敞， 装饰都好优雅啱晒同朋友慢慢坐倾计。佢有$188, $238嘅两款任食套餐拣。 分别在于个刺身拼盘会多啲款，同埋再包五款海鲜，美国特级封门牛柳同猪肉眼根。 虽然呢啲系冇得无限添加， 但好彩我哋拣咗贵啲𠮶个，因为啲海鲜真系极级新鲜，加得抵！ 任食嘅食物就两个套餐都系包同一样嘅，可以起𠮶张食物纸上任拣任叫火锅配料。 我哋拣咗汤底(椰子鸡)之后，员工好快捷咁送上酱汁拼盘俾我自己哋调教。 跟餐嘅食物都好快送上枱，佢仲除咗帮我哋放只鸡落个汤底度，仲帮我哋落埋个猪肉眼根落去，因为要煮45分钟先食得 。个刺身拼盘都好快咁上咗枱，睇落超级吸引。 值得欣赏嘅地方系服务唔单止快佢哋仲好有礼貌，每道𩠌都会介绍番系乜黎。个和牛刺身净颜色已知新鲜，食落好嫩，好滑，每啖都感觉到佢的油份散出黎，比煮熟的和牛黎讲，少一份肉味，但多一份香软感；其他嘅刺身亦都系好鲜甜，无筋，好好味。 刺身每款每人一块，食完真系好想再食， 可惜呢啲
上到去估唔到环境咁大咁舒适， 每个卡座都好寛敞， 装饰都好优雅啱晒同朋友慢慢坐倾计。
佢有$188, $238嘅两款任食套餐拣。 分别在于个刺身拼盘会多啲款，同埋再包五款海鲜，美国特级封门牛柳同猪肉眼根。 虽然呢啲系冇得无限添加， 但好彩我哋拣咗贵啲𠮶个，因为啲海鲜真系极级新鲜，加得抵！ 任食嘅食物就两个套餐都系包同一样嘅，可以起𠮶张食物纸上任拣任叫火锅配料。
我哋拣咗汤底(椰子鸡)之后，员工好快捷咁送上酱汁拼盘俾我自己哋调教。 跟餐嘅食物都好快送上枱，佢仲除咗帮我哋放只鸡落个汤底度，仲帮我哋落埋个猪肉眼根落去，因为要煮45分钟先食得 。个刺身拼盘都好快咁上咗枱，睇落超级吸引。 值得欣赏嘅地方系服务唔单止快佢哋仲好有礼貌，每道𩠌都会介绍番系乜黎。
封门牛柳
20 浏览
0 赞好
0 留言
椰子鸡汤底
10 浏览
0 赞好
0 留言
猪肉眼筋
15 浏览
0 赞好
0 留言
个和牛刺身净颜色已知新鲜，食落好嫩，好滑，每啖都感觉到佢的油份散出黎，比煮熟的和牛黎讲，少一份肉味，但多一份香软感；其他嘅刺身亦都系好鲜甜，无筋，好好味。 刺身每款每人一块，食完真系好想再食， 可惜呢啲系冇得再加嘅。
刺身拼盘
27 浏览
0 赞好
0 留言
中途发生个笑话， 个员工上紧海鲜拼盘嘅时候，突然间跌咗件蟹落枱。 大家都睇到系唔关个员工事，只碟佢揸得好平稳， 只系啲海鲜太新鲜，啲蟹脚仲旭紧，撑跌咗自己另一边身落枱。😂 除左蟹之外，啲虾都系识旭同鲍鱼都识缩。
蟹，虾，鲍鱼咁新鲜，味道当然系好。蟹的size虽然细，但又甜仲有膏。拼盘上仲有蚝同埋脆鲩腩。估唔到都咁肥美鲜甜，个脆肉鲩好正，好脆，之后喺任食配料纸都见到都有，即刻encore!
海鲜拼盘
19 浏览
0 赞好
0 留言
员工仲自动波箱上咗招牌三宝丸，美国特级天然封门牛柳(原来系牛脊对下的部位)同埋冷面。仲问我地想饮咩，介绍我地有玉米茅根竹庶水(好清甜！)，酸梅汤(朋友话好饮，够酸)，合桃汁，青岛(大枝装，够冰冻！)，喜力任饮。其实我唔觉意听到啲员工对话，话竹庶水得番几jar,要快啲煲。听得出佢地每次唔会煲太多，都煲得好密，所以我都饮左几杯。
玉米茅根竹蔗水
14 浏览
0 赞好
0 留言
冷面个汁比较少，唔太够捞，所以个味道几淡。封门牛肉，肉味浓，少油份。个三宝丸真系好好味，值得加招牌2个字系前面。每啖食落去系食得出用足料整，虾丸墨丸弹牙，好浓味。猪肉丸扎实，食得出无沟粉。
招牌三宝丸
10 浏览
0 赞好
0 留言
一路食椰子鸡只鸡时，系任食配料到再点多啲其他嘢食。鸡肉煮左咁多都唔老，肉质实净。
点左牛封，我系第二度食过系叫牛白肉，质感爽，有香浓的牛油味；但唔识欣赏呢样嘢嘅人，会觉得煮熟后系一片肥膏(其实质感都完全唔同!)。
仲点左美国肥牛，黑豚肉，东山山羊片，必试鱼旦，菜类，encore脆肉鲩……朋友唔好内脏，否则一定试下生肠头同杏汁白肺。
食完又一轮嘢，终于食得猪肉眼筋，食落味道同质感好特别，系猪味的牛筋！啖啖骨胶原摆入口，好爽！不过可能已经食饱左，觉得个猪肉眼筋有点太大旧，可能切细个size少少会无咁腻。
要赞一下个鱼旦都几唔错，好想食埋牛筋丸同贡丸，但真是好饱。
总括黎讲，我谂我食过咁多间打边炉，呢间的丸类真系最出色的！海鲜新鲜到自己走落枱，员工好有礼貌，环境优雅唔嘈，值得再回来。
张贴
