影片
更多
6天前
3149 浏览
话佢系而家全城最红嘅放题都不为过。喺淘大商场三期，呢间最新嘅海鲜火锅放题，几乎吸引全香港人嚟帮衬😂。佢主打自选海鲜任食。新鲜嘅海鲜，就摆晒喺自助捞海鲜区任拣任拎。据现场所见，除咗有三种虾(大头虾、基围虾、草虾)，仲有三点蟹、鲍鱼、青口、花甲、蚬、东风螺等等。问题嚟了，海鲜种类虽然多，如果refill唔快，甚至缺货，其实系冇意思。呢度好嘅地方，系会keep住补货，无限量供应，而且都系keep到新鲜。呢度另一个好嘅地方，系职员会帮你洗干净啲海鲜，包括将鲍鱼洗净，将蟹切开，我哋食嘅时候都好放心。搞掂海鲜，就可以返埋位，可以拣汤底(我哋拣咗椰子鸡锅，非常鲜甜)，火锅配料。其实自助区嘅火锅配料已经多到好夸张，但肉类都仲可以用QR落单。以为咁就完？呢餐饭嘅精髓其实系夸张嘅嘢食。除咗火锅，呢度仲可以任食- 鹅肝- 鳗鱼- 焗蚝- 羊架- 乳鸽- 牛舌等等再加上自助区已经有小龙虾、榴梿等特级熟食，其实已经唔会食得晒😂。咁当然系要饮嘢。原来仲夸张，一樽樽手工茶、珍珠奶茶、大量饮品喺冷冻柜之余，仲有手工啤酒、热清酒、各式各样果汁同茶…实在太夸张。仲有位食甜品？数唔到嘅雪糕同甜品柜，杨枝甘露、巴斯克、朱古力
喺淘大商场三期，呢间最新嘅海鲜火锅放题，几乎吸引全香港人嚟帮衬😂。佢主打自选海鲜任食。新鲜嘅海鲜，就摆晒喺自助捞海鲜区任拣任拎。
据现场所见，除咗有三种虾(大头虾、基围虾、草虾)，仲有三点蟹、鲍鱼、青口、花甲、蚬、东风螺等等。
问题嚟了，海鲜种类虽然多，如果refill唔快，甚至缺货，其实系冇意思。呢度好嘅地方，系会keep住补货，无限量供应，而且都系keep到新鲜。
呢度另一个好嘅地方，系职员会帮你洗干净啲海鲜，包括将鲍鱼洗净，将蟹切开，我哋食嘅时候都好放心。
搞掂海鲜，就可以返埋位，可以拣汤底(我哋拣咗椰子鸡锅，非常鲜甜)，火锅配料。其实自助区嘅火锅配料已经多到好夸张，但肉类都仲可以用QR落单。
以为咁就完？呢餐饭嘅精髓其实系夸张嘅嘢食。除咗火锅，呢度仲可以任食
- 鹅肝
- 鳗鱼
- 焗蚝
- 羊架
- 乳鸽
- 牛舌等等
再加上自助区已经有小龙虾、榴梿等特级熟食，其实已经唔会食得晒😂。
咁当然系要饮嘢。原来仲夸张，一樽樽手工茶、珍珠奶茶、大量饮品喺冷冻柜之余，仲有手工啤酒、热清酒、各式各样果汁同茶…实在太夸张。
仲有位食甜品？数唔到嘅雪糕同甜品柜，杨枝甘露、巴斯克、朱古力软心蛋糕等等一应俱全。不过在场见，最多人叫即整木瓜椰汁炖燕窝，死未？😂
呢度涵盖咗大量新鲜而且无限refill嘅海鲜、有水准嘅火锅、无数嘅自助配料食品饮品甜品，根本就系all-in-one。仲要价钱唔贵，难怪多人到排满晒成个淘大商场三期2楼…
张贴
