發哥粥底海鮮火鍋 (已結業)

朋友系附近反工，话之前lunch 见到佢反工附近有间粥底火锅好似几好咁，上网睇都有唔少好评，就谂住约埋几个朋友揾一晚一齐去食。约左一段时间之后，终于约左早几日去食下。 上网睇见到只系有粥底火锅，但黎到原来佢新加左鸡煲加火锅。不过今次都系食左粥底海鲜火锅先，下次先试下鸡煲。 咁佢就分两个主食，一系拣肉蟹，价钱就198蚊一位，一系就拣龙虾，咁就258一位，而且唔使加一。我地都系拣龙虾啦，正好多。之后配料方面就拣8款。 饮品系自助形式，选择唔系话好多，但都够饮。 首先黎既系三文鱼鱼生，一人两片，都鲜味。 跟住就黎一盘既海鲜，都有几多料，有一人一只龙虾，龙虾大大只，多肉又有羔，仲有鲍鱼、大蚬、同埋蛏子，全部都洗得好干净。而且唔怕惊唔熟，因为张枱有张menu会教你要渌几耐既。 不过，服务员话今日无虾既关系，咁就黎左两盘蚬，但蚬系无沙，新鲜既。 之后仲有多宝鱼，味道清清地，但肉质好滑。 食完海鲜之后就食其他边炉配料，推介鸡件，感觉唔系雪藏鸡黎，有鸡味。 打边炉梗系唔少得牛肉啦，质素都唔错。 另外，仲有叫左其他配料，有餐肉、海胆丸等等。 食完哂所有野之后，就落饭落去煮成粥，粥底吸哂所有鲜味，成碗粥