JUICY Fresh Juice Bar (已結業)

知香港站开左间韩国果汁店「JUICY Fresh Juice Bar」，选择都唔少啊，净果汁、果汁奶、拿铁都有，外卖店都有张长枱可以俾客人立食几好㖞🙂。当日现场仲有得试食蜜瓜奶🤩。蜜瓜汁(XL)($42)••••••话说试饮完真系好正，即刻叫返杯净蜜瓜汁，好大杯咁嘅价钱都ok，好重瓜味🤤，香甜得几自然，唔死甜唔似落糖水，眼见到嘅沉淀物正正系用料实在嘅证明，有沉淀说明果汁入面含有嘅果肉和纤维素被原封不动地保留，蜜瓜汁营养爆灯冰凉好饮🥰。牛油果香蕉奶(XL)($46)••••••又一杯青色嘅饮品🤣香蕉味又浓又香，配鲜奶又滑又夹，绝对系perfect match！牛油果本身就唔抢味，无乜突出嘅香气，所以无乜存在感🤐。热狗(+$10)辣肉肠/芝士肠••••••店员好好，帮手切半❤️惊喜㖞！首先好抵先啦🤣估唔到肠同包都好高质，好大个，食完饱饱好满足😚。辣肉肠肉味香浓，咬落去有肉感，唔系肥肉肠，辣劲明显但可接受😋芝士肠极juicy！咬开爆肉汁，有淡淡芝士香，好耐无系街食过咁正嘅热狗肠🤤。包体好松软，但唔空气感，味道属于偏甜，非常唔错，仲一路食一路跌芝麻添🤣。