籠太子點心專門店

营业中

休息中

平时想食点心要特登早起饮茶，宜家发现咗啲专做点心嘅小铺，今日就去咗其中一间踩吓场！呢度原来都好多人捧场，都要等二十分钟先有枱太耐无汤水到肚嘅我指明要咗个粉葛鲮鱼赤小豆煲猪骨嘅例汤！好浓味相信落咗不少汤料先煲出噤嘅味！同平时屋企饮到嘅差唔多！好下火又大兜特登要咗啲特色点心，呢个系原只鲍鱼烧卖，系咪好高享受呢！个size都ok嫁！食落一啲肥猪肉都无鱼肚水饺有啲似上汤鲜竹卷嘅感觉，鱼肚发得不错，鱼肚同水饺都各有三个，份量都ok嘅，几饱肚！药膳鸡脚到喇！药味不太浓，淡淡的，可以饮埋啲汤，嫌油嘅就收手啦！鸡脚已整得入味，轻轻一推已好容易做到骨肉分离精致嘅煎虾胶酿茄子，大大份弹牙虾胶系面，茄子索埋酱汁，要一口过先食到不同层次！如果少油啲就食得放心啲 家乡甜薄撑食落同平时食嘅好唔同，好似有啲椰丝同沙糖噤，小甜几好食，有啲似夹饼，同台嘅小朋友食到唔停口炸野有海皇芝士千丝卷，花巧得嚟又好食！炸得脆身，内有芝土同肉包埋一齐，但食嘅时候就要小心仪态最后整咗个椰汁桂花糕，开头以为唔match，但原来两者都系淡淡的无抢到对方风头，但桂花味有啲被比下去，但都算系去一去油腻感啦！