Fish & Chick (高街) (已結業)

今日去西营盘做嘢揾地方食晏，喺高街见fish & chick有位就冲咗入去。其实set lunch都几抵，有汤/沙律、有主菜仲包饮品。谂住今餐食清少少所以无叫最出名的烤鸡或者炸鱼薯条，所以拣咗pan-fried sea bass配薯蓉。头盘我拣咗粟米汤，有好香浓粟米味好好饮。主菜个sea bass比想像中大块，摆盘亦好靓；因为系每日鲜鱼，入口味道劲新鲜质感又爽嫩，外皮亦煎得香脆。重点系新鲜鱼得嚟又无骨，啱晒我呢啲怕鱼骨的懒人。餐饮唔好误会唔系啤酒，系冻柠茶，劲大杯！整体来讲呢个lunch我觉得呢个价钱有鲜鱼食好抵食！