嘉寶漢堡 (和益中心)

营业中

休息中

嘉宝已经食过好多次，由只有葵涌店开始到而家每次食都依然觉得好高质keep到水准，其中一样佢好味嘅原因系所有嘢都新鲜热辣，唔似连锁店咁样整定摆喺度虽然仲暖但已经冇辣手𠮶种感觉，但价钱又算抵。推介香辣煎蛋羊堡！羊肉汉堡比较少见，味道特别非常好，有羊味但唔会毡，其他配料配搭都唔错。香辣烟肉蘑菇芝士牛堡同其他牛堡都好食，不过会比较正路唔太大惊喜。羊堡牛堡都食过觉得正，希望有机会试吓虾堡鸡堡，不过次次去到都俾羊堡吸引左试唔到其他哈哈！小食方面，啲炸物都好新鲜，薯条正，有个好似麦乐鸡嘅鸡块都好特别，念头有啲类似粟米片嘅coating，呢个鸡块都值得试。