九記牛什粉麵

营业中

休息中

呢间喺鹅颈桥街市2楼熟食中心里面既九记牛杂粉面。又系一间我由细食到宜家既食店。从细已经麻麻地呢间既清汤，所以多年以来一直都食捞面。里度啲面麻麻地，面香欠奉，煮得也时好时坏。不过我要重点介绍系里度既车仔𩠌。今日中午叫左捞粗，牛杂，筋腩，冬菇，猪红，鱼饼加送一粒炸云吞，加杯冻斋啡。呢度啲牛杂系新鲜货，通通都好食特别中意牛肠 - 我只能用肥美黎形容呢度既鲜牛肠。筋腩牛筋大件，林但唔系软坺坺。牛腩可以干脆叫“牛三层肉”，肉香同油香兼备。冬菇厚身，无乜菇味。始终系车仔面小店我唔会expect佢用靓花菇。煎鱼饼系呢度既招牌之一(其实呢度样样𩠌都好食，样样都可以做招牌)。煎得唔算好油，鱼肉弹牙同时保留到鱼味。相信打鱼饼𠮶阵无落太多粉。猪红中规中矩，粒送既炸云吞坚脆又唔会好油。