喜點.鮮鍋粥底火鍋點心專門店 (已結業)

同事介绍左呢间舖啲野食好新鲜，所以约左朋友黎试试。我地拣左食海鲜火锅，豉油配料都系大众化。印度椰子鸡锅，汤底好香椰子味，另外半只鸡同竹笙就等水滚再落，咁啲鸡就唔会煲到啲肉嚡哂。安格斯牛颈脊，肉味几浓，一啲都唔韧。海鲜拼盘，鲍鱼黎到仲郁紧好新鲜，煮完都烟烟韧韧几有咬口；龙虾同海虾好大只，煮完啲肉好弹牙。即炸既响铃同鱼皮，脆卜卜其实唔浸汤都可以照食。鹅肝墨鱼丸食到鹅肝味几浓。芝士牛丸咬𠮶时差啲爆左芝士出黎。饺类入面都好多馅，皮够薄。普通肥牛都唔差，肉质几好。另外仲有点左其他配料，样样都质数几好，仲要花胶系大大块咁比。