食驗室 (D2 Place) (已結業)

今日去左D2 Place行市集，之后就响商场周围行吓，见到一间外卖店好光猛, 又新颖,横掂头先唔够饱，就买啲小食食吓。首先系墨西哥牛肉馅饼（$48）， 外层被煎得好脆口，有某些位置还有软软的口感， 内里来着墨西哥风味的肉酱,带着微微嘅辣味同酸瓜味，另外还有拉丝芝士同车打芝士令成个饼味道提升。饭卷主要有和风效应，韩风效应，风火黄金，泰国风情及两种指定口味的味道选择，我地选左两款，韩风效应好惹味，有大量嘅泡菜，泡菜都被切得细细，好有心机，加上豚肉，生菜同麻油，豚肉腌得好入味，而且爽口，味道酸酸味味，好开胃，配料都算多, 非常丰富，见住佢即时卷的，保证新鲜！另外点左泰国风情，几特别，有少少醋味， 鸡肉粒一啲都唔鞋，仲有超爽口嘅红椒丝，好有风味！食完好似去完两个亚洲热点咁！除咗饭卷同馅饼之外，仲有用珍珠米做的碗饭（丼饭），热辣辣烤卷物，仲有汉堡包，下次再嚟D2 Place会试埋其他嘢款式！