至尊滿屋日本料理 (已結業)

呢日约左中同敍旧，我想咩都食下同埋倾下计，所以佢就推介呢间放题，话野食唔错，又可以坐两个钟(非繁忙时间仲可以坐耐d添)，倾计咁哂。首先当然叫放题必叫既刺身。呢度d刺身好新鲜，又够冻，仲要系厚切。最钟意入深海大赤虾刺身🐚，安哥左两次。炸物样样都几岩我胃口。即叫即炸，热辣辣，又唔油。炸香芋丸食得多，但加埋芝士就第一次食，估唔到都几good match。之后仲叫左d创意寿司、烧物、蟹粥、粟米，味道都唔错，但因为太肚饿关系，无比相机食先。最后叫左杯特色饮品同Mövenpick 朱古力雪糕作完结，大满足。