秋田火鍋海鮮丼浜燒專門店 (已結業)

行过湾仔电脑城，又心思思要食日本野。两星期前去完东京冇系筑地食鱼生丼，今次要补偿返。今次试呢间湾仔秋田，睇中佢地d 海鲜丼，有松叶蟹，毛蟹，仲有我最爱拖罗。叫左一个蓝鲸吞拿鱼腩饭，另一半叫左款毛蟹鱼子带子傻。毛蟹制作需时，先上左我既吞拿鱼腩饭，伴菜好新鲜，蒸蛋滑溜，汤非常足料。鱼腩厚切，口感令人惊叹不已，一试难忘。再黎毛蟹饭，够肉地，味道鲜甜。最令人欣赏系三文鱼子系先酿制过，非常细心，有淡淡酒香味配毛蟹真系好配搭。总体系爱海鲜丼人既好去处。最后雪糕系日本品牌，曲奇味奶味香浓，豆腐味更系必食。