澳門咖喱王新鮮腩

营业中

休息中

老婆最钟意食咖喱牛腩呢啲浓味嘅食物，所以朋友推介我哋去佐敦白加士街一间澳门咖喱王新鲜牛腩专门店。去到见到佢喺门口大大只字话自己系百分百用新鲜牛肉，真系要去试吓！虽然系茶餐厅格局，但系装潢有啲浮夸，好友澳门餐厅嘅特色。星期日中午时分，全场满座，我哋只需等左5分钟就有位。为咗满足老婆食牛腩的愿望，但系阿仔又可以食得到嘅辣度，我哋叫咗个印度皇室杂菜咖喱牛腩，仲要将牛腩转左崩沙腩。新鲜牛腩一食就知，爽口林滑，牛香十足。虽然呢个咖喱汁香甜清新，蔬果味令到佢嘅微辣刚刚好，不过老婆话下次一定要自己叫一个正宗劲辣嘅咖喱牛腩。得奖川汁干炒牛河，呢个真系好味到冇得顶，系师傅功力够先炒到咁干身香口！而且啲新鲜牛肉唔系一般茶餐厅腌到淋一淋冇晒味果d，果然系得奖名菜。手打牛筋丸墨鱼丸河都唔错！红豆冰同咖啡红豆冰非常之正，啲红豆大大粒，仲煲得好够淋。