手作鮮芋站 (已結業)

呢间人气手工芋泥店非常特别，佢哋主打芋泥&芋圆及仙草，系全人手自家制作！仲有比佢哋出品嘅芋泥吐司吸引住，所以今次特意同朋友走入九龙城食好西！芋泥肉松吐司爆馅芋泥肉松非常有卖相，芋泥同肉松份量十足！
芋泥口感软绵绵，芋香味香浓又香甜，肉松香口带咸味，而多士烤过特别香脆可口，成个口感非常有层次！咸甜味集于一身，LIKE！鲜奶芋圆系列 3号 （三色芋圆、仙草、芋泥球、海底椰）芋圆系新鲜自家制，所以比起出面买到嘅芋圆会更加好食、口感烟韧。仙草软嫩滑溜，再加上浓厚鲜奶、芋泥口感香滑，仲有海底椰嘅加持，perfect match！饮品
佢哋嘅台式茶饮都有好多款选择，麻糬、奶茶、芝味奶盖、水果茶、冷泡茶等等。我哋最后拣咗手作、芋泥芋圆鲜奶 & 芋香芋圆鲜奶，两杯味道都调教得好，分别在于一杯用芋泥，而另一汁系用香芋汁。手作、芋泥芋圆鲜奶有芋泥加持，所以口感会比较香浓香滑；而芋香芋圆鲜奶用香芋汁，入口会有淡淡嘅芋香鲜奶味道。