蒙麵

营业中

休息中

蒙面系红磡一间非常出名嘅车仔面小店，长期大排长龙，可见佢喺区内嘅人气有几高！同一般车仔面店唔同，蒙面提供咗好多其他车仔面店少见甚至冇嘅𩠌菜，餐牌选择多到令人惊喜。单睇舖头门面，已经感受到老板系一个极具性格嘅人，充满特色。今次我决定试吓几款特别嘅𩠌菜!招牌蜜汁叉烧串蜜汁叉烧串系即叫即烧，热辣辣送上枱，外层微微焦香，散发阵阵蜜汁香味。叉烧肉质嫩滑，带少少焦糖味，咸甜适中，真系一试难忘，一大串咬住食特别过瘾！新鲜花甲呢度嘅花甲绝对系新鲜到冇得顶！我排队时仲见到一车车新鲜花甲送入舖头，啲花甲肉鲜甜细腻，最重要系完全冇沙，呢个𩠌绝对系加分之选。新鲜蝴蝶腩蝴蝶腩食落去肉质嫩滑，但调味偏淡，建议配埋佢嘅指天椒豉油一齐食，味道即刻提升，辣味同咸香融合得啱啱好。蚝仔煎蛋车仔面仲有蚝仔煎蛋做𩠌，呢样喺其他车仔面店真系少见！送上嚟时蚝仔煎蛋系直接放喺碗面入面，蛋味香浓，煎得刚刚好，蚝仔鲜美又唔会腥，成个搭配非常特别，绝对值得一试。西洋菜饺西洋菜饺唔系成日有，所以餐牌上冇列出，要自己写落单。如果见到有呢款𩠌，记得唔好错过！饺子相当大粒，薄薄嘅外皮包住满满嘅内馅，西洋菜嘅清香同肉馅完美结合，口感丰富，非常饱满。