西貢咖啡餅店

营业中

休息中

今日去西贡游船河，上船前食个早餐先！好怕去码头边嘅餐厅，又多人，水准又一般，上网揾定资料，发现呢间餐厅嘅面包好正！我系「包精」即刻带住两只马骝都去试下，地方好近码头，行5分钟就到！其实系一间面包舖出面放不锈钢枱櫈，可以坐低食，仲有个帐篷唔怕落雨！但因为座位对住对面食店，都无景睇！去到全场满座，要企几分钟等位！有个女店员负责安排座位同执枱（比较粗声粗气，对熟客会好面口啲）但又唔系会喝骂客人，只系讲说话较掘，普通不锈钢桌椅，但因为地面不平，我杯咖啡摇到泻了两啖）等到有位就自己入店内买食物，期间面包仲不停由厨房出炉，面包嘅香味充满附近地方，好多人唔等位都买个包走，我买了：菠萝包--新鲜出炉，好大一个，热辣辣，面头脆卜卜，菠萝皮好松脆，又甜，配中间面包松软，！好味道！葡挞--热辣辣，外皮烟韧松脆（我知烟韧中带松脆好似唔合理，但外皮真系比我咁嘅感觉）蛋浆好滑，唔会过甜，上面微㶶嘅面好香！牛角包--好松脆，酥皮一掂都会甩好多出来，好香牛油味，中间松软烟韧，香脆好味！冻柠茶（少甜）--好大杯，少甜！唔涩，茶底好浓唔错！热Mocha--瓦杯，朱古力味唔系好浓，咖啡味香，易入口！呢度面包种类多，只恨自己