九重鮮 (已結業)

朋友请食饭，特意介绍一间蒸海鲜的餐厅，嚟到门口先知道原来系近似放题任点的蒸海鲜同串烧。门口整得好有韩国特色，天花上七彩的波波灯装饰，几啱打卡一行五人叫咗五个中价位餐，如果叫最高价位的餐会包酱油蟹，其余好似同中价位嘅差唔多。饮品自己出去拎，头一round有蒸扇贝蒸龙虾蒸鲍鱼，一嚟到待应会同你讲大概蒸几多分钟比较合适，粉丝蒸扇贝入味，龙虾鲍鱼新鲜弹牙。其他嘅海鲜同埋串烧就可以经app任叫，上菜速度好快，海鲜有蚝蚬虾，基本上全部都好新鲜，不过有啲蚝就会比较细只，建议可以叫多几只一次过蒸。串烧种类繁多（连叉烧都有😲），最推介烧虾同烧冬菇。另外仲有小食一口牛、吉列紫薯饼，选择都好多。小食当中最有惊喜系麻辣蚬银子烧，其实如果净系见到个名我都未必嗌，但友人极力推荐，叫咗一客，一嚟嘅时候，一个瓦兜中有锡纸包住虾蚬粉丝连汤汁，侍应会即场点火烧一烧，一食好鲜味，有惊喜，而且同个麻辣好夹，忍唔住即刻叫多咗客。最后每人有一客甜品，有少少似泰式椰汁糕 一层类似椰浆在面，底下是清甜椰青水味大菜糕，为富嘅一餐作结。