夢の丼 (已結業)

好钟意去香港大学站嘅西环码头睇日落，晚饭嘅时间经过梦の丼，见到装横好日式，价钱又唔错，于是就决定试吓啦。一入到去店员都好热情咁样招呼我哋，为我地递上热茶，我哋叫咗一条烧鳗鱼，同埋两个丼饭。转眼间已经有面豉汤同埋沙律食。面豉汤嘅质素都唔错，入边嘅材料都几多，除咗海带仲有海鲜。我哋叫咗招牌 梦の丼同埋一番拖罗丼。梦の丼 海鲜好丰富。我先用佢哋特制嘅开胃汁（橙加上秘制汁）配上超大嘅帆立贝，酸酸地，配埋新鲜又弹牙带子，有种讲唔出嘅满足感。佢哋嘅三文鱼蓉好特别，好少地方会将三文鱼以鱼碎嘅方式呈现，上面再用火枪烧香，鱼脂味香浓。最特别嘅地方系佢哋嘅饭早已经有师傅用豉油调味，唔需要额外自己调味，比自己调味更加好食。一番拖罗丼，钟意食拖罗既人绝不可错过。佢哋用唔同嘅方式烹调，唔同嘅整法都可以得出佢嘅鲜味。我自己最钟意系火炙，入口即溶嘅感觉👍🏽最后一定要推介烧鳗鱼，原条鳗鱼，肉质好弹牙，而且个底煎得好香脆，加上秘制酱汁，每一啖都系滋味。