漁港薈 (已結業)

价钱与食物质素成正比嘅火锅。首先来个龙虾鲍鱼海鲜拼盘，有新鲜龙虾，鲍鱼，蚝，龙疐片，鳝片，蚬，虾。虾，蚬，龙疐片，鳝片任食，仲有其他值得重覆任食嘅火锅料，都值得食。牛，水饺，鸭血，走地鸡，菜，乌冬等……2.5小时不会太赶。仲要可以任饮红白酒，冻与室温饮，两样选择都有。店员教导，火力最大维持4，食完明白，火力太大会好快令海鲜过熟，4嘅火力刚刚好，海鲜煮得刚刚好，任何食材都不会煮过火。火锅除了个锅底及炉，材料新鲜之外，要煮得适中，先不会浪费食材。服务又好，侍应会主动收走不用嘅碟。畀4粒星，系因为任何地方，就算好，都要留有继续进步嘅空间。另可加30蚊，将龙虾头斩件炒成避风塘龙虾，上枱已经超香，又好食。如果想就咁生食，因需另外处理，每位加50蚊，就可以食到新鲜嘅龙虾刺身。