雞煲皇

营业中

休息中

一踏入冬天就想食鸡煲，之前一直帮衬开一品鸡煲，上网见到鸡煲皇都好出名，于是就约埋朋友一齐嚟食。我哋帮衬𠮶日咁啱天气转冻，正正系食鸡煲嘅好时机。我哋大约7点左右到餐厅，一到场就即刻叫咗鸡煲，豉油皇鲜鱿面，本地手切肥牛，莴笋，油条，牛柏叶等等配料。鲜鱿面好快就上，味道正常，反而鸡煲我哋等咗接近半个钟，可能同当日有好多客人有关。虽然等得有啲耐，但鸡煲味道真系唔差，入边嘅鸡块切得好大块，同埋好嫩滑。我哋鸡煲叫咗小辣，但都唔系话特别辣，容易入口，适合一啲唔食得辣嘅朋友。另外值得推荐嘅系本地手切肥牛，真系好新鲜，牛肉好滑，入口即溶。