汀汀烤活魚 (已結業)

听过汀汀呢间烤鱼好耐啦,今次第一次嚟~估唔到入面系咁型格嘅装饰,又有涂鸦🎨,又有霓虹灯💡,仲有几只Kubrick🐻~母亲大人食鱼最叻,佢一见到笋壳就话好嘢嚟㖞,一定要试🐟~呢只鱼胜在骨唔多🦴,食落啖啖肉,唔太识食鱼嘅人就最啱👍~母亲大人今日忽然唔想食辣,叫咗净酸菜都好够味~提提你,记得一定要食埋块鱼面肉,又大块又滑,必食😋!鬼马系列其实系将虾胶🦐,墨鱼胶🦑酿落油炸鬼度炸~记得上台快啲食,脆卜卜,真系几盏鬼🤭~如果可以摆块纸吸下油会更好~母亲大人一见到有新鲜鱼卜就眼发光😯,因为唔系好多店有卖~一碟嘅份量都算几多,煮起之后都系好滑捋捋嘅,母亲大人表示非常满意~而我必点就系嫩鸭血🩸,大大块,煮起有啲咬口~不过真系比较适合辣锅🌶,因为唔辣嘅鸭血感觉总系争少少~食咗咁多嘢,梗系要食啲菜🥬~虽然鱼锅都有啲芽菜豆卜咁,但唔系好够喉🤪~佢呢度都有唔好菜类选择,生菜,娃娃菜,油麦菜,食咗咁多肉,清清肠胃就最适合~佢哋啲鱼几好味,而且火锅配料款式都好多🥩🦪,仲好新鲜~如果一班朋友嚟,仲可以book房,等你可以一边食烤鱼一边唱K🎤~容纳10-12人,消费3300就ok,人均around 300,都几抵玩~