爽肉餃子專門店

营业中

休息中

本人好钟意试葵广新食店，目标系全部都试晒，无奈葵广嘅餐厅不断开要我不断试但坦白讲新开嘅未必啱我食，我钟意食真材实料有心思唔hea同普通嘅，贵平唔太大考虑，咁行过咁啱见到有新食店，但望下系饺子店开头麻麻因为我觉得我屋企包嘅饺子系最好食，但见佢咁平12蚊5只又keep住有人排队本住试新嘢嘅心态我就去试咗，点知我写呢编食评嘅时候我已经帮衬咗佢3次。白菜韮菜我都试咗，但佢个韮菜真系好好食，韮菜食得出系新鲜一咬落去有韮菜香，猪肉唔多但正正系我杯茶，我钟意食韮菜嘅甜，仲要系佢皮滑厚度啱啱好，由入面食到出面都食得出佢嘅用心，我未试过写一编咁长嘅食评因为系发自内心觉得好食，希望佢可以一直系到。个人觉得白菜同萝卜一般，希望萝卜可以煮耐啲会透啲甜好多。